والله انصدمت وندمت ............

بسم الله الرحمن الرحيم
ماسبب صدمتي؟؟؟؟؟؟؟؟؟؟؟؟؟
خرجت امس ان واختي والوالد للسوق ودخلنا مجمع تجاري وكان وقت الصلاة ومصلى النساء عبارة عن زاوية او ركن في طرف المجمع ومصلى الرجال خارج المجمع،كان المصلى زحمة وما فيه الا عدد قليل من الكراسي بعد الصلاة انتظرت اختي تصلي وانا واقفة كانت سيدة كبيرة في السن انهت صلاتها وصار في كرسي فاضي فاتجهت له تجلس فجاءة وبسرعة البرق تجي بنت وتجلس على الكرسي الكل طالع لها وشده الموقف والأدهى كانت البنت بنت السيدة الكبيرة ،قالت لها اول صلي فردت بصلي في البيت وحطت رجل على رجل فالأم المسكينة انظمت الى صفوف الواقفين وبنتها جالسة وحاطة رجل على رجل ،الكل صابته الدهشة بس جزء منها ومازال لها بقية..........
جوال الأم كان في شنطة البنت وجاها اتصال فطلعت الجوال واشرت لأمها وقالت(امي تعالي امشي اقولك امشي يووووووووووه تعالي)فراحت المسكينة لها واخذت الجوال ....
انا من الصدمة صرت اطالع لها مو مصدقة عيوني وكل الموجودين نفس الشي ،،،،،،كان على احد الكراسي امراءة ملتزمة قامت وقالت للأم تعالي ياخالة اجلسي رفضت الأم في البداية بس المسكينة تعبت من الوقوف فجلست وبنتها ولاهي حاسة تشوف اللي يصير ونظرات الناس لها بس ماعبرت احد ماسكة الجوال وشي طبيعي فاتحه البلوتوث وقاعدة تبحث عن تسليتها من الشباب اللي واقف برا وقت الصلاة.......
(فتاة عابثة عاقة بصورة مستهجنة وام مستسلمة الى ابعد حد )
طبعا طول تجولنا في السوق كانت تمر من امامنا هي وامها وتمارس العقوق امام الجميع بلا حياء او خجل من الناس تمشي وامها تمشي وراها تطالع لامها بنظرات تهديد وتكلمها كأنها تكلم انسانه تكرها ............
انا واختي صار المجمع على كبره مرة ضيق علينا وكان في مطر وقتها فحسيت بينزل عذاب على المجمع بسبب هذي البنت ......كان ودي اروح لها واعطيها كف على وجهها يمكن يصحيها من اللي هي فيه بس اللي تسوي كذا مع امها اتوقع منها كل شي......فكرت اروح لأمها واسألها ليه بنتها تعاملها كذا وليه هي تسمح لها بس ترددت.
لما رجعت البيت جلست صاحية طول الليل افكر في هالبنت واللي سوته ومتندمة اني ماخرجت اللي في قلبي عليها في السوق مع اني ماحب اسوي شوشرة بس وربي تستاهل احد يغسل شراعها قدام الكل/////////////////
انا طولت عليكم في السرد مع اني اختصرت اشياء كثيرة من السالفة،بس ياترى هالبنت حالة نادرة في المجتمع والا في حالات ثانية وصور عديدة للعقوق واحنا ماندري
عنها؟؟؟؟؟؟؟
منقول...

هاااي

شخباركم .......... تمام انشاء الله

مشكورة اختي ستراوية على الموضوع

اتمنى من ان اعضائنا

ما فيهم هالطبع انشاء الله

مشكورة مرة اخرى للفت انتباهنا لهذه النقطة