.................................................. ....
كم دوب الصبر والصبر مل منه
يبو صالح كبير الهم تحملنه
.....................................
نصبر لشوكت وانشاهد الحاله
وجروح الشماته دموم هماله
وأهات الزمن شفناهه واهواله
وكطعنه من الصبر ياسيدي الظنه
.......................................
تعبنه من الصبر ياسيدي نرجاك
شوكت نورك يهل ونشوفك ونلكاك
شوكت نحظه بحنانك سيدي وبحماك
شوكت ياسيدي بملكاك نتهنه
..........................................
نشكيلك زمنه سيدي وجوره
وكلوب الاحبه عليك مكسوره
وجثثنه عله الارض مولاي منثوره
وربينه عله الحزن والاه والونه
.........................................
ربينه عله الحزن لمن ربيتو عليه
اواقع حالنه يحكيلك ويرويه
العراق وحالته يرويلك المر بيه
ويترجاك بلكن ليه تتعنه
.......................................
تتعنه وتجينه سيدي بهالحين
من ظيم العده ماظل دمع بالعين
تفجير وذبح وارهاب بسم الدين
وكم علم كفر ارهابي يتبنه
.......................................
اظهر سيدي اترجاك لو مره
وتدري بالعده فجرو سامره
وقبه والدك ساوهه بالغبره
وتفجير المراقد يعتبر سُنه
.......................................
اظهر ياشهم ياحيد ياصنديد
ورد كرات حيدر سيدي من جديد
كلهم شنهو عندك ياطلب شتريد
والمايمتثل للسيف يتسنه
.........................................
يتسنه وعلى اركاب الكفر حده
وكم مظلوم حقه من العده ترده
طفح منه الصبر ياسيدي تبده
صبرنه انته التلمه بشوك نتمنه
............................................